節目介紹
世界覺醒（WOKE）了，每天都變得更像彩虹更有活力！從來以為自己是世界中心的男人卻呆站原地，眼光光看著日換星移宇宙萬變，看似固步自封但其實是有心無力！為舒緩廣大香港男士因為社會價值急速變化產生的焦慮和不安，三字頭的193（郭嘉駿）、四字頭的阿Thor（駱振偉）、以及五字頭的灘叔（鄒凱光）每星期都會圍爐亂講一通︰講男人求偶、男人私怨、男人包袱、男人浪漫、男人衰嘢、男人保健、男人蠢事——女觀眾或會恥笑，但男觀眾一定會感動大笑！就此召喚迷途的新時代男性，同《男人亂講嘢》一齊尋找當下世界觀，刷新固有價值觀，重塑男人三十、四十、五十路的人生觀！今次唔係要話人知男人曾經有幾威，而係要探討宜家男人有幾閉翳！
