條女飲到不列顛

Serrini 係當今香港樂壇最喜歡將酒精融入創作嘅音樂人，沒有之一。演唱會可以拎住杯酒唱歌；寫中、英文、甚至法文歌，酒精都離唔開歌詞內容。10 集節目入面，Serrini 透過唔同飲品及飲嘢場所聯繫各種人和事。跟 Gin 酒專家去酒廠試酒、飲住苦艾酒睇古怪博物館、歎英國茶同埋朱古力飲品、探訪喺倫敦市區嘅葡萄酒廠甚至日本酒釀造所、飲到去埋drag queen party。無論係清醒地飲茶或者微醺飲酒，節目入面用飲品去進入 10 個唔同嘅場景，用 Serrini 獨有嘅思考方法同表達方式，探索飲品本身、同埋相關嘅人嘅故事。