舉高雙手2

表演藝術向來無實際形式、無地域規限，呢班新生代嘅藝術家正積極尋求唔同方式嘅合作，豐富香港文化界嘅內涵。承接第一輯敢問、敢學、敢玩嘅精神，dR. X會繼續搵嚟一大班音樂、文化同藝術界別嘅新星，進行互動交流。呢班「新文化精英」，目前肩負起「承先啟後」嘅重要任務，佢地除咗獻上精彩嘅表演，引導dR. X同觀眾們認識另類嘅流行文化資訊，更會無私地分享向青少年推廣藝術嘅計劃同經驗，點樣致力去啟發下一代深入接觸文化藝術，擴闊佢地嘅視野同創造力。