【總有三隻喺左近﹗】嚴選蘭子惡鬼金句

《總有一隻喺左近》第一輯已經曲終人散,新一輯由鬼王DJ潘紹聰頂上講真鬼。不過由蘭子主理,主打人性黑暗面的人間鬼,仍然有不少網民在談論。今日小編精選了當中三大猛鬼的驚人言論,等他們冤魂再現,好讓大家再次小心身邊總有一隻喺左近……

第三位﹕是非鬼

來說是非者,便是是非人﹗不過事出必有因,一齊來看唐紫睿(Hazel)與龍小菌經理人展開罵戰的原因。

「事源我打完《G1格鬥會》第一場比賽之後……你會見到網上面留言鬧你的,來來去去都係嗰幾個,節目未出街已經鬧,瘋狂咁Post你以前啲相,或者不停咁攻擊你,講哂粗口。我又唔識你,個節目又未出街,點解你會憎我憎到呢個程度……輸咗之後想咬對方一口,我都覺得好明白,但唔駛出到呢啲招數……」

「後嚟佢太過份,發展到一個網絡欺凌嘅地步,即係逢親我有Post或者有關於我嘅新聞、或者有關G1格鬥會嘅新聞,佢都要寫一段字去抽水……佢想捧佢自己多啲囉﹗」

雖然是單方面開火發聲,但明顯這場隔空對戰只會兩敗俱傷。遇著是非鬼,大家都是避之則吉﹗

第二位﹕屎忽鬼

屎忽鬼主要是形容一些出爾反爾,或做事鬼鬼祟祟的人。這類人在背後出招,往往有極大殺傷力。曾被人冠以「屎忽鬼」稱號,及被指背棄恩師志雲黨的鄧健泓,都表示自己常遇屎忽鬼。

「支持有好多種,唔係吓吓需要好似王喜哥咁身體力行,一個Message、一個電話都可以……我個人比較低調,只係我冇出嚟支持佢……到時我去大家又話我搲撈,我唔去又話我唔支持,咁真正嘅屎忽鬼係咪寫我嗰個﹖﹗」

「電視台有一個導演,佢最屎忽既,就係去荷蘭做黑市勞工嘅專訪……做完之後第二日佢打電話報警,拉哂呢班黑市勞工,然後佢就狂影呢個Moment﹗呢啲就真係超級屎忽鬼﹗」

不過這類屎忽鬼會隨著年齡而昇華至更高層次,變成Old seafood,即是老屎忽。老屎忽的鬼力更利害,大家真的要小心﹗

第一位﹕賤格鬼

惡鬼、厲鬼、衰鬼通通有樣睇,但是賤格鬼可以是好眉好貌,但是骨子裡衰衰格格,究竟被數拋妻棄子,曾自嘲自己為人渣的周永恒底蘊是人是鬼﹖

「我覺得賤格係真實啦……爭在你有冇Show出嚟畀人睇……邊個可以話你唔賤格,有冇人可以話自己冇賤格過?」

「呢啲係我啲性幻想嚟嘅,情趣嚟嘅……有冇問過阿Yu,想唔想試3 Play? 咁梗係有呢種幻想啦……啲女人覺得我賤,有乜所謂啫﹖﹗」

有人認為賤格鬼最惡搞,因為這類鬼永不認錯,還會重覆犯錯,就算明知自己理虧,還是藉口多多,一句「你不是我,無資格講我」,絕對玩哂﹗

三大惡鬼的鬼話連篇,想重溫,即看《總有一隻喺左近》﹗

立即重溫《總有一隻喺左近》第2集