【政壇火爆語錄】敏感話題百無禁忌!卿姐鬧爆3任特首

《一大一路》每集也請來各界重量級的嘉賓,當中不少是政壇分子,這班大朋友來到小朋友面前雖然有所收斂,但仍然藏不住心中的怒火,一連串火爆啜核金句,讓小主持們眼界大開,牙力和轉數也瞬間直線提升!火爆場面,每一刻都在引爆……

慢必串爆黃定光

「黃定光成日喺立法會瞓覺!瞓覺個陣,睡姿仲畀人Cap埋圖,有成30幅唔同嘅瞓覺相!」

言談間,慢必語調一直相當冷靜,但卻笑裡藏刀,可謂串嘴高手。

毛孟靜怒轟語言偽術師

「香港嘅語言偽術之王叫做梁振英,成日都話自己會對啲乜乜問題好關注,講成30分鐘之後,其實根本就無講過嘢!」

毛姨姨還提醒一眾小朋友做人要時刻保持清晰邏輯思維,不要被語言偽術嚇親。

毓民狂插司政報告

「我第一次掟嘢係08年10月,曾蔭權嚟立法會做司政報告,佢話加生果金畀老人家,不過就要資產審查……我當然好㷫,於是就一抽香蕉掟咗過去!」

至今毓民仍然怒氣未消,飲恨當時未能擊中目標。

卿姐鬧爆三任特首

「董建華當年叫我唔好講咁多嘢,叫我退三步!搞錯呀!民選議員要退三步?你話死唔死得﹖!」

「曾蔭權咁多年都唔肯起樓,豈有此理,做咩呀!驚隊冧樓市?」

「梁振英仲衰,上任之後話盤棋咁爛唔識捉,你做咗行政長官之後就同人講盤棋好爛?鬼可憐你呀?即刻落台啦!」

提起過去三任特首,卿姐越諗越嬲,越講越㷫﹗如果上班上學悶到釣魚,不妨重溫卿姐的連環轟炸術,保證醒晒!

立即重溫《晚吹:一大一路》第12集