有拗撬?Thor不滿Hailey:你認真少少啦!

相見好,同住難,朋友見得多好易慢慢暴露自己的缺點。Thor與Hailey雖然只是剛開始倫敦行程,但每天日夕相對,相處時間話長不長、說短不短,但Thor在鏡頭前後已表現出對Hailey極為不滿!

「你揸支咪都真係唔多掂!」

話說二人再次走到倫敦街頭Busking,巧遇有心人借出器材10分鐘。不過兩個人就得一支咪、更不提供咪架,Hailey只好無可奈何地做足全程人肉咪Stand!她的臂力大爆發不但沒有得到讚賞,更被Thor話:「你遞咪嚟講真係出色到呢!你咁樣,我點唱呀?」

「我覺得佢似過嚟玩多啲!」

輪到Hailey擔大旗做主音喇!不太喜歡公開唱歌的她,在帶點緊張的情況下表演,難免會有少許甩漏,但卻惹得Thor話她的表演最多只有20分?Thor更在Hailey背後指責她出發前才背歌詞、開始練習,卻認為自己已準備充足,認為她「根本喺為咗玩而嚟」!

他們的旅程剛開始就有不少爭執,最後會否不歡而散?抑或可以越夾越合拍?留意今集《Begin Again 異鄉再出道》!

《Begin Again 異鄉再出道》 逢星期三、四 22:30-23:00