【小心中招】錄影節目離場打人 好詭異﹖

演藝圈流傳很多習俗及禁忌,所以開鏡拜神不可少,特別是拍一些較邪門或靈異的節目,台前幕後工作人員都會在開拍前燒香拜神切燒豬,祈求拍攝期間順順利利、人人精神爽利﹗

不過據內鬼提供消息﹕由蘭子主持的清談節目《總有一隻喺左近》雖則在開拍前已進行了拜神儀式,每次拍攝依然好邪門,錄影廠總是陰風陣陣,令人「占寒占凍」﹗除了經常有嘉賓拍攝前無故缺席,就算拍攝期間,都經常出現很多不可思「異」事件﹗

蘭子對空氣講嘢

在錄影期間,原本與嘉賓I Love You Boyz言談甚歡,蘭子突然轉身與空氣對話﹕「你又嚟咗啦﹗你出去化妝先,我陣間先問你,我地下集都唔知講乜鬼﹗」聽後無不令在場人士起雞皮﹗

好兄弟突出手打人

合作超過10年的少爺占與Donald,在行內出名是好兄弟,二人一向有講有笑,鮮有傳出不和,但拍攝期間,工作人員發現二人坐到離行離隙,Donald更突然爆出一句「我唔妥佢」,激到少爺占忍不住出手掌摑他﹗究竟是受到靈體影響,才令到嘉賓出現異常﹖還是二人早已口和心不和﹖

嘉賓話走就走

繼上次周永恆在錄影過程中拍枱忿而離場,今次輪到I Love You Boyz中的Donald中招,他突然爆一句「走嘞」,便在眾目睽睽下起身離席,就算蘭子叫他「返嚟」都沒反應,樣子呆呆滯滯,場面十分怪異,全廠人懷疑他撞嘢﹗

明明是講「認叻鬼」的話題,為何拍攝期間,眾人身上都發生不可思「異」事件,是「認叻鬼」唔抵得﹖還有發生甚麼事﹖一切謎團的答案,留待你今晚自己收睇《總有一隻喺左近》去發掘﹗

《晚吹﹕總有一隻喺左近》 逢星期日 23:30-24:00