【勁賺27倍】楊英偉扭波扭到稱霸波場﹗

想當年,很多男仔,兒時候總會跟UNCLE尹光學睇波,想不到原來數波波真係會發達﹗

「咪埋雙眼就數波波,如要數齊有千萬個」

《No Money No Talk》話你知,千萬個波波做甚麼?置景搵銀原來一籮籮!

資深演員楊英偉熱愛表演工作,正經演戲以外,還與好友阿Bun和氣球師Wilson合作譜出生意歌。他們用多條普通長氣球,扭出派對上的繽紛佈景,配合即場表演小魔術,一宗生意閒閒地賺數十萬!

逢節慶有市場

色彩繽紛的氣球洋溢著快樂的感覺,大時大節絕對是楊英偉做生意的好時機!聖誕派對旺季,公司生意大大單,不過原來最易賺錢的竟是情人節?成本$1.5的氣球花,利潤竟達27倍?

扭贏氣球界「奧斯卡」

扭波波除了靠手藝,亦靠「食腦」,Wilson用自創技術將氣球染成漸變色,首度贏得世界氣球大賽項目冠軍,打響名氣,訂單浪接浪!不過他們仍未滿足,誓要繼續尋找商機,除了扭森林、扭真人,仲要扭埋葬禮?

想知點做可以有錢搵?請留意《No Money No Talk》。

《晚吹﹕No Money No Talk》 逢星期五 23:00-23:30