超清純!脫獨機械人范愷雯:我想做一個成功女朋友!

《脫獨工程》自開播以來,引起大家關注的除了六位脫獨人士驚為天人的外貌之外,六位顏值極高的Robots也深得大家歡心,當中以VVN的Robot:Michelle,最受男性粉絲喜愛。

網絡上更有人留言點破事實真相:「其實啲人揀VVN都係因為想同佢個Robot約會咋嘛!」事件一度惹來VVN和Michelle不和的傳聞,不過當事人VVN 卻表示她和Michelle關係友好,是好拍擋,閒時更會談論大家的愛情觀。究竟這位女神級Robot的愛情觀又是否和她的外表一樣,純情似水?

人生目標:做一個成功女朋友!

在Michelle眼中,愛情最重要的是溝通:「男朋友一定要同我傾到計先得,我想同佢一齊計劃未來,一齊奮鬥,幫助大家不斷進步……其實我人生嘅目標就係做一個成功嘅女朋友,可以令男朋友因為擁有我而覺得驕傲!」

擁有天使般的甜美外貌,加上超強的上進心,應該有不少追求者吧!但女神卻佻皮地說:「我單身!」這句話相信為全港不少毒男觀眾帶來生命的新希望,重燃生存勇氣﹗

不過,提提大家,女神不愛搞驚喜,甚至有點抗拒:「如果我男朋友好似VVN咁安排驚喜,想同我喺摩天輪下面整棉花糖,我可能會好尷尬,因為我比較鍾意平穩踏實嘅關係。」

肥矮毒,點樣揀?

拍攝《脫獨工程》期間,Michelle少不免與肥矮毒有接觸的機會,三個當中她最有好感的是口甜舌滑的肥腸:「阿鐸太乖太靜,我同佢無乜話題……Suzuki又真係矮得滯,我成日都著高踭鞋,個身高差距會令我好無安全感……三個之中,比較啱傾嘅係肥腸,佢好識氹女仔,但觀眾好似唔太鍾意佢,但我覺得佢好好人!」說到底,原來還是送贈「好人卡」一張……巴打,繼續努力啦!

想發掘更多Michelle可愛的一面?想知道餘下來的約會對象會否都因為Michelle而選上VVN?留意《脫獨工程》啦!

《脫獨工程》 逢星期一、二 22:00-23:00